.
.
.
.
.
.
.
.
.
品:
我係E姐。雖然我地冇見過面,但都算係在網上認識左好多年。聖誕節快到了,我好似冇送過聖誕咭比任何GNC的人啊。但係我好中意寫聖誕咭,年年都寫十幾廿張比親友。我知道依家呢個年代啲人唔興送聖誕咭,但都有人會收起我送比佢既聖誕咭同禮物呢!
雖然我年紀大了,但我好中意啲靚既可愛既野。我成日留意日本同韓國時裝,又成日買靚女野。不過依家冇野做唔買咁多野了。我仲搵緊野做,係今個月開始搵返野做的,我冇人養架,亦冇話要人養,本來就冇人會養我。
我好中意日牌Liz Lisa,Ank Rouge果啲,呢幾日在海港城會有涉谷109香港開分店,我冇野做冇錢唔會去住架,但遲啲會去,因為有Ank Rouge呢個好可愛既牌子!我仲中意左一間賣原宿服的日本時裝店,佢有好多日本衫賣架,係葵芳。我以前在葵芳返工有經過呢個商場,所以有行過呢間鋪。我都好中意原宿街頭衣著,佢地一樣有好可愛既衫賣架。但冇人讚我架,因為佢地剩係識話我咁既年齡仲著啲咁既衫。但係我係著到,因為我個樣好後生。
唔知你中意啲乜野野呢?係咪同我一樣中意收藏啲可愛公仔圖片?我依家冇咩點儲存公仔圖片了,因為果個台灣人既網頁冇再更新圖片。
今日我買左幾多聖誕咭,雖然上年啲咭係靚啲。我仲買左啲聖誕貼紙,有中國,日本,韓國同台灣製架,全部都好靚!我在葵芳買的,我知道旺有有好多,但冇乜點行旺角,除左去看Liz Lisa。我唔知道你中唔中意呢張聖誕咭,但我係自己唔覺得靚都唔會送比人的。希望你中意吧!
我係成日買埋晒啲靚女野但冇人會欣賞我,啲人仲話我買靚女野話我以為自己有人中意,以為冇人會講我壞話。我點會以為乜乜物物咁戇居,但啲人就係咁樣諗我。我冇男朋友架,但亦冇話要邊個做我男朋友。我剩係想快啲搵到野做,買下靚野扮下靚靚咁。我好貪靚架,但係點解係現實中冇人話我可愛既?你可能會以為我係咪好醜樣,其實唔係,但啲人唔會欣賞我而已。
講住咁多先。你今年聖誕節有啲咩節目嗎?有冇啲乜野大搞作?我唔會出街同人迫,會留返係屋企。我剩係想有野做,希望快啲搵到工啦!唔想冇錢買靚靚野。無論如何,祝你聖誕快樂!
E姐
二零一五年十二月八日